“Akkreditatsiya markazi” DUK bilan Koreya akkreditatsiya kengashi (KAB) o‘rtasidagi Anglashuv memorandum imzolandi

Muvofiqlikni baholash va akkreditatsiya sohasida Koreya Respublikasi bilan xamkorlikni yanada kengaytirish va mamlakatlar o‘rtasida texnik to‘siqlarni bartaraf etish maqsadida “Akkreditatsiya markazi” DUK bilan Koreya akkreditatsiya kengashi o‘rtasida o‘zaro hamkorlik bo‘yicha Anglashuv Memorandumi joriy yilning
27 oktyabr kuni Germaniyaning Frankurt-na-Mayn shahrida imzolandi.

Anglashuv memorandumida quyidagi hamkorlik yo‘nalishlari ko‘zda tutilgan:

xalqaro standartlar talablariga asosan muvofiqlikni baholash organlarini akkreditatsiyadan o‘tkazish orqali, muvofiqlikni baholash natijalarini o‘zaro tan olinishiga sharoit yaratish;

tashkil qilanadigan akkreditatsiya va muvofiqlikni baholash sohalaridagi professional malaka oshirish tadbirlarining yillik rejasi asosida xamkorlik kilish;

muvofiqlik baholash jarayonida baholovchilar va texnik ekspertlar almashinuvi borasida hamkorlik qilish.

Korea akkreditatsiya kengashi (Korea Accreditation Board – KAB) 1995 yil 28 sentyabrda Koreya Respublikasining Savdo, sanoat va energetika vazirligi (MOTIE) qoshida tashkil etilgan bo‘lib, menedjment tizimlarini sertifikatlashtirish idoralarini va personalni sertifikatlashtirish idoralarini akkreditatsiyadan o‘tkazish dasturlarini yuritadi. Koreya akkreditatsiya kengashi Osiyo-Tinch okeani Akkreditatsiya hamkorligi (ARAS) va Xalqaro akkreditatsiya forumi (IAF) tashkilotlarining a’zosi va shu tashkilotlar doirasidagi O‘zaro akkreditatsiya natijalarini tan olish to‘g‘risidagi ko‘ptomonlama Bitimlarning (Multilateral Recognition Arrangement – MRA) imzolovchisidir.

Германия физико-техник федерал институти (PTB) экспертининг навбатдаги ташрифи.

Германия физико-техник федерал институти (PTB) билан ҳамкорлик доирасида иш дастурини амалга оширишда жорий йилнинг 14-23 октябрь кунлари халқаро эксперт Мандред Киндлернинг «Аккредитация маркази» ДУК ташрифи бўлиб ўтди.

Ташриф давомида 30 босқичли Йўл ҳаритаси амалга оширилишининг таҳлили ўтказилди. Ўқитиш тизимини ташкил қилиш Марказ ҳодимларининг малакаси даражасини баҳолаш, ташқи баҳоловчилар ва техник экспертларни ўқитишни ташкил этишга алоҳида эътибор берилди.

Марказ фаолияти доирасида мавжуд бўлган идентификациялаш ва хавфларни бошқариш масалалари кўриб чиқилди. Шунингдек, синов ва калибрлаш лабораторияларининг ўлчов натижаларини кузатилишини таъминлаш, ноаниқликни баҳолаш, усулларни текшириш ва текшириш бўйича ваколатларига катта эътибор қаратилди. Миллий сифат инфротузилмасини ривожлантиришда аккредитациянинг роли муҳокама қилинди.

Ташриф давомида, м.Киндлер Марказ ходимлари ва мувофиқликни баҳолаш органлари вакиллари учун “Хавф асосида аудит ўтказиш”, “Ўқитувчилар тайёрлаш тизимини жорий этиш”, «ISO 15189 га мувофиқ Тиббий лабораторияларнинг малакасига қўйиладиган талаблар”, “Иш фаолиятини баҳолаш” мавзуларида тренинглар ўтказилди. KPI ва SWOT таҳлил индексларидан фойдаланган ҳолда Марказнинг сифат менеджменти тизимини жорий этиш ва ишлашни. Келгуси давр учун қўшма ҳамкорликнинг вазафалари белгилаб олинди.

Германиялик экспертнинг навбатдаги ташрифи 2019 йил декабрь ойида режалаштирилган.

Туркия аккредитация агентлиги билан Ҳамкорлик

2019 йил август ойида Анкарада “Аккредитация маркази” ДУК ва Туркия аккредитация агентлиги (кейинги ўринларда – TURKAK) ўртасида имзоланган ўзаро англашинув меморандуми доирасида жорий йилнинг 7-11 октябр кунлари TURKAK мутахассиси Атакан Баштуркнинг “Аккредитация маркази” ДУКга ишчи ташрифи бўлиб ўтди.

Ушбу ташрифдан мақсад минтақавий аккредитация ташкилоти APAC томонидан баҳолашга тайёргарлик бўйича “Аккредитация маркази” ДУК бажарган ишлари натижаларини таҳлил қилиш, шунингдек, TURKAK ва “Аккредитация маркази” ДУКнинг 2020-2021 йилларга мўлжалланган келгуси ҳамкорлиги бўйича чора-тадбирларни мухокама қилишдир.

Эксперт томонидан ISO/IEC 17025:2017 халқаро стандарти асосида синов усулларини танлаш, тасдиқлаш (валидация) ва текшириш (верификация) масалалари, лаборатория томонидан тасдиқлаш ва текширишни объектив далилларни тақдим этиш, шунингдек аудит пайтида уларни баҳолаш бўйича тренинг бўлиб ўтди.

ISO / IEC 17011: 2017 халқаро стандартига мувофиқ хатарларни-бошқариш бўйича маслаҳатлар олинди, аудит давомида хатарларни баҳолаш, камайтириш, идентификациялаш жараёнларини бажарилишини баҳолаш масалалари кўриб чиқилди.

Мувофиқликни баҳолаш органлари учун ўқув тизимини яратиш, малакани текшириш провайдерлари фаолиятини ривожлантириш масалалари кўриб чиқилди, экспертнинг кейинги ташрифлари учун режалаштирилган тренинглар мавзулари муҳокама қилинди.

Ишчи ташриф доирасида TURKAK билан келгуси 6 ойлик ҳамкорлик ҳаракатлар режаси лойиҳаси ишлаб чиқилди, шу жумладан, туркиялик экспертлар иштирокида тренинглар дастури келишилди.

 

ISO/IEC 17011 ҳалқаро стандарти асосида
Аккредитация идораларига бўлган талаблар
ва рискларни бошқариш мавзусидаги
минтақавий семинар – трейнинг 
2-4 октябрь 2019 йил, Тошкент

 

 

 

2019 йил 2 – 4 октябрь кунлари “Hyatt Regency Tashkent” меҳмонхонасида
“Ўзбекистон аккредитация маркази” ва Осиё-тинч океани аккредитация ҳамкорлиги (Asia Pacific Accreditation Cooperation (APAC)) билан биргаликда ISO/IEC 17011 халқаро стандарти асосида “Аккредитация идораларига бўлган талаблар ва рискларни бошқариш” мавзусида минтақавий семинар – трейнинг ўтказмоқда.

Осиё-тинч океани аккредитация ҳамкорлиги минтақанинг 46 давлатдаги
73 та аккредитация идорасини ўзида қамраган ва аъзолари сони жиҳатидан йирик минтақавий ташкилот. Ташкилот унга аъзо хисобланган идоралар томонидан аккредитация қилинган 50 422 та лаборатория ва 3 201 та сертификатлаштириш идоралари тармоғини ташкил этади.

Ташкилот доирасида Кўптомонлама ўзаро натижаларини тан олиш Битими – “APAC Mutual Recognition Arrangement” амал қилади. Мазкур Битим аккредитациядан ўтган лабораториялар синови натижалари ва сертификатлаштириш идоралари томонидан расмийлаштириладиган мувофиқлик баҳолаш натижаларини ўзаро тан олишни назарда тутади.

Бу эса, Битим иштирокчиси томонидан аккердитация қилинган мувофиқликни баҳолаш идораси томонидан расмийлаштирилган маҳсулот ва хизматларни баҳолаш натижаси, Битимнинг қолган иштирокчилари орасида бевосита тан олинишини таъминлайди. Мувофиқликни баҳолаш натижалари ўзаро тан олиниши халқаро миқёсда савдони ривожлантириш, шу жумладан савдодаги техник тўсиқларни ечиш ва маҳаллий корхоналар учун хорижий давлатлар бозорларига соддалаштирилган тартибда кириб боришини таъминлайди.

Бугунда “Ўзбекистон аккредитация маркази” ушбу ташкилотнинг ассоцияцияланган аъзоси ҳисобланиб, кўптомонлама ўзаро натижаларини тан олиш Битимга қўшилиш учун тайёргарлик ишларини олиб бормоқда.

Бугунда мамлакатимизда жами 905 та аккредитациядан ўтган мувофиқликни баҳолаш органлари, жумладан 605 та синов лабораториялари, 142 та метрологик хизматлар, 28 та инспекция органлари, 98 та маҳсулотларни ҳамда 32 та сифат менежменти тизимларини сертификатлаштириш органлари фаолият олиб бормоқда.

Марказий Осиё давлатлари орасида илк бор Ўзбекистонда ташкил этилаётган ушбу тадбирда Осиё-тинч океани аккредитация ҳамкорлигига аъзо Австралия, Хитой, Ҳиндистон, Россия, Саудия Арабистони ва бошқа бир нечта давлатларнинг аккредитация идораларидан 30 дан ортиқ вакиллар қатнашмоқдалар.

Тадбир давомида халқаро ISO/IEC 17011 стандарти билан Аккредитация идораларига қўйилган махсус талаблар асосида аккредитация идоралари фаолиятини уйғунлаштириш чоралари, мувофиликни баҳолаш идораларини аккредитация қилишда рискларни бошқарин ҳамда Кўптомонлама ўзаро натижаларини тан олиш Битимга қўшилишнинг асосий меъзонлари ва шартлари муҳокама қилинади.

“Ўзбекистон аккредитация маркази” мезбонлик қилаётган тадбирдан асосий мақсад, Ўзбекистоннинг соҳадаги маҳсус ваколатли идораси сифатида Кўптомонлама ўзаро натижаларини тан олиш Битимига қўшилиши масаласини илгари суриш, ва бунинг натижасида маҳаллий ишлаб чиқарувчиларни халқаро бозорга чиқишдаги  техникавий тўсиқларни баратаф қилиш ва экспорт салоҳиятини оширишга имконият яратишдир.

“Метрология” техник қўмитасининг навбатдаги йиғилиши

Жорий йилнинг 20 сентябрь куни “Метрология” техник қўмитаси аъзоларининг йиғилиши бўлиб ўтди. Йиғилишда техник қўмитанинг функциялари ва вазифалари, ҳамда келгуси иш режалари муҳокама қилинди.

“Метрология” техник қўмитаси “Аккредитация маркази” ДУК қошида ташкил этилган биринчи техник қўмита ҳисобланади. Техник қўмита таркиби Ўзбекистон миллий метрология институти, Стандартлар институти ва республиканинг метрология хизматлари мутахассисларидан ташкил топган.

Йиғилиш чоғида қўмитанинг жорий иш режалари, ҳамда метрология хизматлари ва синов лабораториялар учун семинар-тренинглар ташкил қилиш масалалари муҳокама қилинди.

Қатнашчиларга Ўзбекистон Республикаси “Метрология тўғрисида”ги Қонуни ва Ўзбекистон Республикаси O‘z DSt 8.029:2019  “Ўзбекистон Республикаси ягона бирлилигини таъминлаш давлат тизими. Ўлчаш воситаларини калибрлаш. Асосий қоидалар” давлат стандарти лойиҳаларининг янги таҳрири тақдимоти кўрсатиб ўтилди.

BELORUSSIYA AKKREDITATSIYA MARKAZI EKSPERTLARINING XIZMAT TASHRIFI

“Belorussiya Davlat Akkreditatsiya Markazi” DK (BDAM) ekspertlari xizmat safari bilan “Akkreditatsiya Markazi” DUKga tashrif buyurishgan.

Olib borilayotgan tadbirlarning asosiy maqsadi 2018 yilda «Akkreditatsiya markazi» DUK bilan imzolangan o’zaro anglashinuv memorandumi doirasidagi hamkorlikni kengaytirish va muvofiqlikni baholash organlarini akkreditatsiya qilish jarayoniga oid ishlarni amalga oshirish bo’yicha Belorusiya tajribasini o’rganishda iborat.

Muzokaralar chog’ida Osiyo-Tinch okeani akkreditatsiyasi bo’yicha kooperatsiya (APAC), Xalqaro laboratoriyalarni akkreditatsiya qilish tashkiloti (ILAC) va Xalqaro akkreditatsiya forumi (IAF) kabi xalqaro akkreditatsiya tashkilotlariga a’zo bo’lishda Markazning salohiyatini oshirish va jadal rivojlanayotgan munosabatlarni rivojlantirish yuzasidan fikr almashildi.Hozirgi vaqtda mutaxassislar ISO/IEC 17025 «Sinash va kalibrlash laboratoriyalarining kompetentligiga qo’yiladigan umumiy

talablar» va ISO/IEC 17021 «Boshqaruv tizimlarini auditini va sertifikatlashini o’tkazadigan organlarga qo’yiladigan talablar» xalqaro standartlari talablarini muhokamasi bo’yicha idoralararo fikrlar almashilinmoqda.

O’z navbatida, BDAM mutaxassislari kalibrlash laboratoriyasi va sertifikatlash organini baholash jarayonida qatnashadilar va xalqaro tashkilotlarning talablaridan kelib chiqqan holda amaliy tavsiyalar berishadi.

Uchrashuvlar ko’p qirrali hamkorlikni chuqurlashtirishga, o’zaro aloqalarining yanada o’sishiga hamda akkreditatsiya bo’yicha ekspertlar va muvofiqlikni baholash organlari mutaxassislarining malakasini muntazam oshirib borish uchun xizmat qilishi kutilmoqda.

 

 

UNIDON билан икки томонлама ҳамкорликни ривожлантириш истиқболлари

Бугунда мамлакатимизда сифат миллий инфратузилмасини ривожлантириш, республиканинг жаҳон бозоридаги иқтисодий потенциалини ошириш ва аккредитация соҳасида инновацияларни жорий этиш, маҳаллий маҳсулот сифатини ошириш учун кенг имкониятларни очиш мақсадида ҳалқаро ташкилотлар шу жумладан UNIDO билан фаол ҳамкорлик ривожланмоқда.

Бирлашган Миллатлар Ташкилотининг Тараққиёт бўйича ҳамкорлик Саноатни Ривожлантириш Ташкилоти (UNIDO) – ихтисослашган муассасаси бўлиб, аьзо мамлакатларда инклюзив ва барқарор саноат тизимини рағбатлантириш ва жадаллаштириш, шунингдек халқаро саноат кооператциясини ривожлантиришга қаратилгандир.

2019 йил 27 август куни UNIDO минтақавий ҳамкорлик марказининг директори Сулаймон Йилмаз ҳам  “Аккредитация маркази” ДУК раҳбарияти билан учрашув икки томонлама ишчи учрашув бўлиб ўтди. Унда томонлар Бирлашган Миллатлар Ташкилотининг минтақавий лойиҳалари доирасида икки томонлама муносабатларни ривожлантириш қаратилган масалаларини муҳокама қилишди. Шунингдек мувофиқликни баҳолаш соҳасида эксперт мутахассисларининг мамлакатимизда ҳамда хорижда малака оширишлари ва соҳа бўйича нуфузли ташкилотлар билан ўзаро тажриба алмашишларни йўлга қўйиш  мақсадида бир қатор ўқув ва амалий семинарлар ташкилаштиришни келишиб олдилар.

Учрашув якунида иккала томон ташкилотлар ўртасидаги ҳамкорлик давом эттирилиши ва янада мустаҳкамланишига умид билдирадилар.

Туркия аккредитация агентлиги (TURKAK) 
билан ҳамкорлик истиқболлари

2019 йил 26-27 август кунлари “Аккредитация маркази” ДУК делегацияси хизмат хизмат сафари билан Туркия аккредитация агентлигига (TURKAK) ташриф буюрди.

Ташрифнинг асосий  мақсади TURKAK Бош котиби Орбай Эвренсевди ҳамда ташкилотнинг етакчи экспертлари билан музокакаралар олиб, Ўзбекистон Республикаси делегатсиясининг 2019 йил июл ойида Анқарага ишчи ташрифи якунлари доирасида TURKAK билан ўзаро ҳамкорликни сифат жиҳатидан янги босқичга кўтаришдан иборатдир.

Бугунги кунда TURKAK мувофиқликни баҳолаш органларини аккредитациядан ўтказиш соҳасидаги халқаро даражада тан олинган  нуфузли ташкилот ҳисобланади.   TURKAK Европа Аккредитация уюшмасининг (ЕА), Лабораториялар аккредитацияси бўйича халқаро ташкилот (ILAC) ҳамда Аккредитация бўйича халқаро форумнинг (IAF) тўлақонли аьзоси ҳисобланади.

Ташриф давомида Ўзбекистон вакиллари учун Туркиянинг  аккредитациядан ўтказиш жараёнларида ҳужжатлар айланмасининг электрон тизими ва TURKAK портали имкониятлари тўғрисида тақдимотлар  қилинди. Ушбу йўналишдаги истиқболли шериклик доирасида TURKAK электрон тизимини орқали тўпланган тажрибани “Аккредитация маркази” ДУК фаолиятида жорий этиш, мувофиқликни баҳолаш органлари, синов лабараториялари ва бошқа манфаатдор шерикларга халқаро стандартларга мувофиқ илғор хизматлардан фойдаланиш имкониятини беради.

Ўтказилган учрашув ва музокаралар якунлари бўйича аккредитация соҳасида икки ташкилотлар ўртасидаги ҳуқуқий базани янада кенгайтириш мақсадида, 2019 йил 27 август куни “Аккредитатция маркази” ДУК  ва TURKAK ўртасида расмий “Англашув меморандуми” имзоланди.

Standartlashtirish bo’yicha Mintaqalararo assotsiatsiyasining 28-majlisi

Joriy yilning 10-11 iyul kunlari Tojikiston poytaxti Dushanbe shahrida, Turk standartlari instituti, hamda Standartlashtirish, metrologiya, sertifikatlashtirish va savdo nazorati  agentligi (Tojikstandart) tomonidan tashkil etilgan Standartlashtirish bo’yicha Mintaqaviy assotsiatsiyasining (SMA) Bosh assambleyasi 28-yig’ilishi bo’lib o’tdi.

Standartlashtirish bo’yicha Mintaqaviy  assotsiatsiyasi (SMA) majlisida, O’zbekiston Respublikasidan «O’zstandart» agentligi va Akkreditatsiya markazi xodimlari ishtirok etdilar.

SMA 1991 yilda tovar va xizmatlar almashinuvini yengillashtirish uchun standartlashtirish va unga bog’liq sohalarni rivojlantirishga, shuningdek, intellektual, ilmiy-texnikaviy va iqtisodiy faoliyat sohalarida hamkorlikni rivojlantirish maqsadida tashkil etilgan. Ozarbayjon, Belorussiya, Gruziya, Qozog’iston, Qirg’iziston, Mongoliya, Moldova, O’zbekiston, Tojikiston, Turkiya, Turkmaniston, Ukraina SMA a’zolari hisoblanadi.

Yig’ilishda SMAning  yil yakuni natijalari va kelgusi davr uchun uzoq muddatli ish rejasi muhokama qilindi. Shuningdek Bosh kotib saylandi va yangilangan SMA Nizomi tasdiqlandi. SMA Nizomining yangi nashrida akkreditatsiya masalalariga katta e’tibor qaratiladi.

Bosh Assambleya (SMA) ishi davomida Tojikiston Respublikasi, Moldova Respublikasi va Qirg’iziston Respublikasining milliy akkreditatsiya organlari rahbarlari bilan ishchi uchrashuvlar o’tkazildi, natijada tan olingan xalqaro standartlar asosida akkreditatsiya sohasida hamkorlikni yanada rivojlantirish va mustahkamlashni davom ettirish zarurligi to’g’risida kelishib olindi.

Аккредитация бўйича Осиё-Тинч океани ҳамкорлиги – APAC Бош Ассамблеяси

Жорий йилнинг 19-22 июн кунлари Аккредитация бўйича Осиё-Тинч океани ҳамкорлиги Бош Ассамблеясининг (APAC) 2019йилдаги биринчи мажлиси Сингапур Республикасида бўлиб ўтмоқда.   

Бугунги кунда APAC йирик минтақавий аккредитация бўйича ҳамкорлик бўлиб, мақсадлари ва фаолияти жаҳон савдосини энгиллаштиришга ва унинг аъзоларига бутун дунёда аккредитация натижаларини тан олиш имконини беришга қаратилган. 

Бош Ассамблеянинг йиғилишда имзо чекувчи ва уюшган аъзо давлатларнинг прогрессив ва динамик ҳамкорлик йўлини белгилайдиган APAC учун стратегик режани ишлаб чиқиш режалаштирилган.  

Йиғилиши доирасида халқаро стандарт ISO / IEC 17011 бўйича семинар, бошқарувчи кенгашнинг ҳамда ўзаро тан олиш тўғрисида  Келишув – APAC MRA салоҳиятни ошириш бўйича қўмитанинг ишчи мажлисларичет эллик шериклар вамиллий аккредитация органлари вакиллари ўртасида музокаралар ўтказилмоқда. 

Бош Ассамблея йиғилишида Ўзбекистон Республикасидан Аккредитация маркази вакиллари иштирок этмоқдалар.